Miss Go’s 部落格

標題50円可以買到什麼？？大大可能估我寫錯標題，但大家冇睇錯，標題亦無錯，50円真係可以買到東西。

日本物價比較香港貴，例如：「自動販賣機」賣飲料，最平都大約需要100円，而大部分飲料都超過120円。在日本旅行，想買平過100円嘅飲品，只可以喺「超級市場」或者「藥妝店」買。所以，100円以下嘅錢（50円、10円、五円、一円）根本冇咩用，最常用就是交8%消費稅！

今次我係「千林商店街」竟然見到，一部特別的自動售賣機。其實，這部售賣機冇特別，但佢買嘅飲品先至最特別，因為50円起可以買到飲品，真係平到我唔信！真係用50円買飲品！

可能，你會諗50円飲品一定唔好味，但事實，我 + 「同行者們」分別買唔同飲品，諗住試試。我地飲過都覺得好好味。之後，我哋後悔買得太少，應該買多兩種飲品試試味道。50円飲品，買一罐等於買兩罐，真係抵抵抵！！！

可能，你會諗50円飲品好少款式。但實際非常多種類，可以選擇。睇落亦都好好味，花多眼亂，都唔知應該揀邊款好。

又可能你會覺得50円飲品，唔會有出名牌子，一定多數啲飲品唔識，又唔知係乜嘢飲品。但事實可以買到UCC（60円）、午後紅茶（60円），而100 円就可以買到可口可樂，真的買得開心、飲得開心。

其實「自動售賣機」標題寫得唔清楚，應該係40円可以買到飲品。 真係無花無假，40円就可以買到飲料喝。我記憶「玉出超級市場」(スーパー玉出‧Tamade Supermarket) 都大約四十幾円，才可以買得細罐咖啡，即是，這部售賣機的訂價都差不多等於去玉出買。這樣大大就不需要特別去「玉出超級市場」買飲料，所以我真心覺得十分抵，才特別推薦比大家，希望大家一起分享吧！

但因為我唔識日文，所以唔明白40円係乜飲品，所以我冇買40円飲料， 亦都介紹唔到俾大家。如果大家知道40円係什麼飲品，請告知我。謝謝！  

 MISS GO'S TIPS

總括 

(最高  )